RAVENOLning texnologik hamkori boʻlgan Prema jamoasi, Red Bull Ring avtodromida oʻz mavsumini boshlagan yangilangan FIA FREC yoshlar formula chempionatining birinchi bosqichida ishtirok etdi.
2026-yildan boshlab Formula Regional European Championship FIA shafeligida oʻtkazilmoqda, bu esa uni nafaqat yanada nufuzli, balki murakkabroq ham qiladi. Shu sababli uning bosqichlaridagi gʻalabalar yanada qadrliroq boʻladi.
FRECning yangi versiyasida poygachilar mutlaqo yangi Tatuus T-326 mashinasiga va yangilangan poyga uikendi formatiga ega boʻlishadi. Endi har bir bosqich uchta poyga va ikkita kvalifikatsiyadan iborat boʻladi. Kvalifikatsiya poygalari birinchi va uchinchi poygalardagi start tartibini belgilab beradi, ikkinchi poyga esa birinchi kvalifikatsiyadagi eng kuchli 12 ta pilot (top-12) uchun reversiv (teskari) start panjarasidan boshlanadi. Bu eng tezkor pilotlar uchun qoʻshimcha qiyinchiliklarni yuzaga keltirib, ularning vazifasini yanada murakkablashtiradi.
Prema Racing va RAVENOL 2019-yildan buyon Regional chempionatda ishtirok etib kelmoqda va shu vaqt mobaynida shaxsiy tasnifda oltita hamda jamoaviy tasnifda beshta titulni qoʻlga kiritishdi.
Bu mavsumda jamoa mashinalari ruliga uchta eng yaxshi poygachi oʻtirdi. Jamoaning soʻzsiz yetakchisi — Italiya Formula-4 va E4 boʻyicha amaldagi chempion Kin Nakamura-Berta (Kean Nakamura Berta) hisoblanadi. Uning jamoadoshlari Tomas Shtoltsermanis (Tomass Stolcermanis) va Salim Xanna (Salim Hanna) boʻlishdi.
Nakamura-Berta eng boshidanoq oʻz ambitsiyalarini namoyish etib, ikkala kvalifikatsiyada ham eng yaxshi vaqtni qayd etdi va 1 hamda 3-poygalarda poulni qoʻlga kiritdi. Kin birinchi poyganing oʻzidayoq gʻalaba qozonib, oʻz tezligini va maxsus RAVENOL poyga moylari hamda surkov materiallaridan foydalanadigan Prema jamoasi mashinalarining eng yuqori darajadagi tayyorgarligini tasdiqladi.
Ikkinchi poygada 12-boʻlib start olgan holda, u oltinchi oʻringacha koʻtarilishga muvaffaq boʻldi va gʻoyat muhim ochkolarni qoʻlga kiritdi. Afsuski, uchinchi poygada Nakamura-Berta pouldan unumli foydalana olmadi: boshqa sportchilar bilan yuz bergan bir qator toʻqnashuvlar uning poygani muddatidan oldin tark etishiga sabab boʻldi.
Salim Xanna ikki marta ochkolar zonasida marraga yetib keldi, uning eng yaxshi natijasi esa final poygasidagi 4-oʻrin boʻldi. Tomas Shtoltsermanis uchala poygada ham pozitsiyalar uchun raqiblari bilan kurash olib bordi, biroq ochkolar zonasiga kirish unga nasib qilmadi.
Shunga qaramay, Kin Nakamura-Bertaning birinchi gʻalabasi yana titullar uchun kurashishga tayyor boʻlgan jamoaning yuksak salohiyatini namoyish etmoqda.
Keyingi bosqich may oyi oxirida Zandvortda boʻlib oʻtadi.